အကောင်းတကာ့ အကောင်းဆုံးတွေ
လုပ်နေကြတဲ့သူတွေမှာတောင်
ဒီတစ်ဘ၀တည်းနဲ့ နိဗ္ဗာန် ခရီး ရောက်နိုင်ပါရက်ကနဲ့
ဘုရားဆုပန်သူတွေ အများကြီး ကြားဖူးပါတယ် . . .။
ငါတစ်ယောက်တည်း သံသရာက ကျွတ်ဖို့ မဟုတ်။
ငါတတ်နိုင်သမျှ ကယ်တင်သွားဦးမည် ဆိုတဲ့ပုဂ္ဂိုလ်များ
လေးသင်္ချေ ကမ္ဘာတစ်သိန်း ပါရမီဖြည့်လို့ ဘုရားဆုပန်ကြပါတယ်။
ဘုရားရှင်လက်ထက် ကျွတ်တမ်းဝင်ပြီး
နိဗ္ဗာန် ခရီး ရောက်နိုင်ပါရက်ကနဲ့
ဝိသာခါ ကျောင်းအမကြီးလည်း
ဘုံစဉ်စံ လို့ ပျော်မွေ့ နေပါသေးသတဲ့ . . .။
သတ္တ၀ါတွေဟာ သံသရာတစ်လျောက်လုံးမှာ
အပါယ်လေးဘုံ အပါအ၀င်
နတ် ဗြဟ္မာလည်း ဖြစ်ခဲ့ကြဖူးပါသတဲ့ . .။
ဗြဟ္မာ့ပြည် တ၀င်းဝင်း ၀က်စားကျင်း တရှုပ်ရှုပ်
ငရဲပြည်ထဲလည်း တကုပ်ကုပ် ရောက်ခဲ့ဖူးကြမှာပါ။
မိမိဘ၀မှာ အဆိုးရွားဆုံး အခက်အခဲနဲ့
ကိုယ်စိတ်နှစ်ပါး ဒုက္ခတွေ တွေ့ကြုံရရင်
တွေးသာ ကြည့်ကြပါတော့ . . .။
ငရဲပြည်က ဒုက္ခ အဘယ်မျှ ကြီးလိုက်ပါမည်လဲ . . ။
လူအပါအ၀င် သတ္တ၀ါတွေရဲ့ မူရင်း အိမ်ယာ ဆိုတာ
အပါယ်လေးဘုံ ပါလို့ တရားတော်က ဆိုပါတယ် . . ။
အနိမ့်ကျဆုံး ငရဲပြည်တဲ့လေ . . . . .။
ငရဲကလာသူ ပြာပူ မကြောက်လို့လည်း
လူမိုက်စကား မကြာခန ကြားဖူးပါတယ် . . ။
ကျနော်ကတော့ဗျာ . . ။
ငရဲက လာခဲ့ဖူးလို့ ကို ပြာပူ အလွန်ကြောက်ပါတယ် . . ။
ကျနော် ဘယ်တော့မှ ဘယ်ဘ၀မှာမှ
အပါယ်လေးဘုံ မသွားချင် မရောက်ချင်တော့ပါ . . ။
ကျနော်သွားလိုသော သံသရာ လွတ်မြောက်ရာဒေသဆီ
အမြန်ဆုံး ကြိုးစား သွားနေပါတော့သည်ပါ ခင်ဗျား . . ။
ဆုတင် . . . ။
မြန်မာပြည်ထဲမှာ ဘွဲ့ ရပြီး ပညာ မတတ်သူတွေ
အ သုံးလုံးကြေတယ်ဆိုပြီး စာ မတတ်သူတွေ
တော်တော်များများ ရှိနေပါသေးတယ် . . ။
တစ်ခါတစ်ရံ မှာတော့ သင်္ကန်းဝတ်ပြီး
ဝိနည်း မသိသူတွေတောင် ရှိနေမှ
ရဟန်းဖြစ်ပြီး ၀ိနည်း မလိုက်နာသူတွေ ရှိနေမှ
ကိုယ့်ခွေး ကိုယ်မွေးပြီး အထီး အမ မခွဲတတ်ကြတာလည်း
မဆန်းတော့ပါဘူးလေ လို့ပဲ ဖြေရတော့တာပါပဲ . . ။
ဒီလိုနဲ့ပဲ ဒီမိုကရေစီ ဆိုပြီး သမိုင်းတစ်ကြော့ပြန်တာလည်း
မျိုးဆက် ၃ ဆက်လောက် ခြားခဲ့ပြီးပြီလေ . . . .။
ဆုတင် . . .။
ကျနော်တို့ ကျောင်းမှာ မသင်ခဲ့ရတဲ့ အရာတွေ...
( ဆုတင် မှတ်စု )
၁ ။ Dreamt ဆိုတာဟာ အင်္ဂလိပ်စာလုံးတွေထဲမှာ
mt နဲ့ဆုံးတဲ့ တစ်ခုတည်းသော စကားလုံးဖြစ်ပါတယ် ။
( သင်ဒါကို သံသယဖြစ်နေပါသလား?)
၂ ။ ကျနော်တို့ရဲ့ မျက်လုံးဟာ မွေးကတည်းကနေ
ယနေ့တိုင် အရွယ်အစားတူတူပါပဲ ။
ဒါပေမယ့် နှာခေါင်းနဲ့ နားရွက်စတဲ့ အင်္ဂါတွေကတော့
ဆက်လက်ကြီးထွားတာ ဘယ်တော့မှမရပါ သွားပါဘူး ။
၃ ။ စာကြောင်းတစ်ကြောင်းဖြစ်တဲ့
( The quick brown fox jumps over the lazy dog) ဆိုတာဟာ စာလုံးတိုင်းစာလုံးတိုင်းဟာ alphabet တွေကို အသုံးပြုထားပါတယ် ။
ယခုသင်ဟာ တိကျမှန်ကန်မှုရဲ့ အပြင်ဖက်ကိုရောက်အောင်
ကြိုးစားနေတယ်ဆိုတာ သင်သိသွားပါပြီ ။
မှန်တယ်မဟုတ်လား ။
၎ ။ စာလုံးတွေဖြစ်တဲ့ racecar , kayak , level တို့ဟာ
ဘယ်ကနေညာဖတ်ဖတ် ညာကနေဘယ်ဖတ်ဖတ် အတူတူပါပဲ ။
၅ ။ အင်္ဂလိပ်စာလုံးတွေထဲမှာ dous နဲ့ဆုံးတာ လေးလုံးပဲရှိပါတယ် ။
အဲဒါတွေကတော့ tremendous , horrendous ,
stupendous , hazardous တို့ပဲဖြစ်ပါတယ် ။
သင်သံသယမရှိလောက်ပါဘူးနော် ။
၆ ။ အင်္ဂလိပ်စာလုံးတွေထဲမှာ a e i o u ဆိုတဲ့
vowel ၅ လုံးစလုံးပါတဲ့ စကားလုံးက၂ခုပဲရှိပါတယ်။
အဲဒါတွေက တော့ abstemious နဲ့ facetious တို့ပဲဖြစ်ပါတယ် ။
အံ့သြသွားပါသလား လောကကြီးမှာ
ထူးဆန်းတာတွေအများကြီး ရှိပါသေးတယ် ။
၇ ။ ကီးဘုတ်က အတန်းတစ်တန်းတည်းကို အသုံးပြုပြီးရိုက်နိုင်တဲ့
အရှည်ဆုံး စကားလုံးက တစ်ခုပဲရှိပါတယ် ။
အဲဒါကတော့ TYPEWRITER ပဲဖြစ်ပါတယ် ။
သင်မယုံပါက စမ်းသပ် ကြည့်နိုင်ပါတယ် ။
၈ ။ ကြောင်တစ်ကောင်ရဲ့ နားတစ်ဖက်စီမှာ
ကြွက်သားပေါင်း ၃၂ ခုစီနဲ့ဖွဲ့စည်းထားပါတယ် ။
၉ ။ ရွေငါးတစ်ကကောင်ဟာ မှတ်ဥာဏ်ကြာမြင့်ချိန် ၃ စက္ကန့်ပဲရှိပါတယ် ။
ပြီးတာနဲ့သူဟာ မေ့သွားပါလေ ရော ။
၁၀ ။ jiffy ဆိုတာက တစ်စက္ကန့်ရဲ့ 1/100th အတွက်
အမှန်တကယ် အချိန်ရဲ့ ယူနစ်ဖြစ်ပါတယ် ။
ပုဂံအွန်လိုင်းမီဒီယာ ဆီမှကူးယူဖော်ပြပါသည်
------------------------------
Posted By မြန်မာ့သတင်းများစုစည်းရာ (MNC)
မိမိကိုယ်ကို နှိမ့်ချလို့ နိမ့်ကျသွားတယ်ဆိုတာ မရှိပါဘူး . . ။
မိမိ အပေါ် ပိနေတတ်တဲ့ မာန် မာန ၀န်တွေလျော့သွားလို့
မိမိရဲ့ ကိုယ် စိတ် နှစ်ပါးလုံး ပေါ့သွားမှာဖြစ်ပါတယ် . . ။
စိတ်လက် ပေါ့ပါးစွာ ရှိနေရင် မိမိ လိုရာခရီးကိုလည်း
ပေါ့ပါးလျှင်မြန်စွာ သွားနိုင်ပြီပေါ့ . .. ။
ဒါဆိုရင် ပန်းတိုင်ကို မြန်မြန်ရောက်ပါလိမ့်မယ် . . ။
ခက် ထန် မာကြော နေတဲ့ ကျနော့်ရဲ့
မာန် မာန စိတ်တွေ လျှော့ချရင်း ပေါ့ပါး လျှင်မြန်စွာ
လိုရာခရီး အချိန်မီ အမြန်ဆုံး သွားနိုင်ဖို့
ကျနော် ကြိုးစားနေပါတယ် . . .။
ဆုတင် . . ။
အဘယ်မျှ ရိုကျိုး နှိမ့်ချပါစေ
ကမ္ဘာ မြေကြီးထက်တော့ နှိမ့်ချလို့ မရဘူးလေ .. ။
အောက်တန်းကျတဲ့ စိတ်ထား အပြု အမူတွေနဲ့
မြေကြီးအောက် အပါယ်လေးဘုံကို
လူ အရှင်လတ်လတ် ရောက်နေသူတွေကိုတော့
ကိုယ်က ဘယ်လိုသွားပြီး နှိမ့်ချလို့ ရမှာလည်း . .း))
သူတော်ကောင်းတို့ ချီးမွမ်းခြင်းနဲ့ ထိုက်တန်တဲ့
နှိမ့်ချ ရိုကျိုးခြင်းဆိုတာ မင်္ဂလာပါခင်ဗျား . . ။
ဆုတင် . . ။
ငရဲပြည်ကို ခါးကိုင်းပြီး ငုံ့မကြည့်ပါနဲ့
အခန့်မသင့်ရင် ကိုယ်ပါ အားလွန်ပြီး ကျသွားနိုင်တယ် .. ။
မိမိထက် ကုသိုလ် ပညာ ဥစ္စာ စိတ်နေစိတ်ထား
နိမ့်ပါးတဲ့သူတွေအပေါ် စာနာ သနား
ဂရုဏာ ထားရုံသာ တတ်နိုင်ကြမှာပါ . . ။
သူတို့ကို အားကျလို့ မရဘူးလေ . . . ။
ကျနော်ကတော့ ခင်ပွန်းကြီးဆယ်ပါး ဆိုစကား နားထောင်လို့
မိမိထက် ကုသိုလ် ပညာ ဥစ္စာ စိတ်နေစိတ်ထား
မြင့်မားသူတွေ အပေါ် အားကျ အတုယူရင်း
မိတ်ဆွေစစ်တို့ရဲ လမ်းပြမှုကို ကျေးဇူးတင်စွာ
လိုရာခရီး အရောက်သွားနေပါတယ် . . ။
ဆုတင် . . .။
No comments:
Post a Comment